இந்த டிஸ்னி அனிமேஷன் பெண் கேரக்டர்களின் ஸ்டைலே தனி தான். ஆனால் இவர்களின் கேரக்டர் டிசைன் பல இடங்களில் ஒத்துப்போகும். டிஸ்னியின் 21 கதாநாயகிகளைக் கொண்டு, வெண்டைக்காய் சாப்பிட்டு ஆராய்ந்ததில் கிடைத்த டாப் 12 ஒற்றுமைகளைப் பாருங்களேன்…
1. டிஸ்னியின் குட்டி தேவதைகளை இடையூறு செய்து விடக்கூடாது என்பதாலேயே கதாநாயகிகள் கண்டிப்பாக மனித இனமாகவே இருப்பார்கள்.#மனிதிகள்
2. பெரும்பாலும் 20 வயதுக்குக் கீழ் தான் இருப்பார்கள். ஒன்று இரண்டு 20ஐத் தாண்டும். ஆனால் பெரிய மாற்றங்கள் இருக்காது.#சின்னஞ்சிறு தேவதைகள்
3. பெரும்பாலான நாயகிகள் ஐரோப்பாவில் தான் இருப்பார்கள். ஸ்நோ ஒயிட் முதல், எல்ஸா வரை இது தொடர்கதை.. #ஆஹான்
4. படம் முடியும் தருவாயில் கண்டிப்பாக எல்லா நாயகிகளுக்கும் திருமணம் நடந்தோ அல்லது திருமணம் முடிவாகியோ தான் சுபம் போடுவார்கள். #கெட்டிமேளம் கெட்டிமேளம்
5. துணி தைப்பது, வாள் சண்டை, பாடிக்கொண்டே சமைப்பது , அல்லது வீட்டை சுத்தப் படுத்துவது இந்த வேலைகள் தான் பெரும்பாலும் டிஸ்னி நாயகிகளின் பொதுவான வேலையாக இருக்கும்.#சகலகலா வல்லவிகள்
6. குறும்பு பனி மனிதன், நக்கலான பச்சோந்தி, கூப்பிட்ட குரலுக்கு ஓடி வரும் செல்லக் குருவி என கண்டிப்பாக நாயகிக்கு சைட் எஃபெக்ட்டாக ஏதேனும் செல்லப் பிராணிகள் அல்லது பொருட்கள் இருக்கும்.# ஆமாம்பா ஆமாம்
7. சொல்லி வைத்தாற் போல் நாயகிகளின் பெற்றோர்கள் இறந்தோ அல்லது, காணாமல் போயோ, அல்லது அப்பாவோ , அம்மாவோ நோயாளியாகவோ தான் இருப்பார்கள். இல்லை பட முடிவில் தான் பெற்றோர்களை சென்றடைவார்கள். #லேடி ரஜினிகாந்த்கள்
8. பெரும்பாலும் செல்வச் செழிப்பில் பிறப்பார்கள், அல்லது அரச குடும்பத்துக்கு வாரிசாக இருப்பார்கள். லிலோ, முலன், அலைஸ், மெகாரா, வெண்டி, மற்றும் எஸ்மெரெல்டா என்ற இந்த ஆறு பேர் மட்டுமே கொஞ்சம் ஏழைகள். #பாவத்த
9.முக்கால்வாசி நாயகிகள் , இளவரசிகளாகத்தான் இருப்பார்கள். அரச மரியாதையைக் காப்பாற்றும் பொறுப்புடன் செயல் படுவார்கள். அதில் எல்ஸா மட்டும் அரசியாக முடி சூட்டிக் கொண்ட ஒரே நாயகி. #மத்தவங்களாம் தக்காளி தொக்கா
10. டிஸ்னி நாயகிகளின் கண்கள் இரண்டே கலர் தான் ஒன்று நீலம், அல்லது பச்சை. அதே போல் ஜாஸ்மின் மட்டுமே பேண்ட் போட்ட பரம்பரை. மற்ற அனைத்து நாயகிகளும் பெரிய இளவரசி உடைகள் தான். #ராசியான நிறம் நீலம் மற்றும் பச்சை
11. சோகமோ , துக்கமோ விம்மி அழ வேண்டுமென்றால் பெட்டில் குப்புற விழுந்தே அழுவார்கள்.. # நம் ஹீரோயின்களும் தான்
12. அடிக்கும் வெயிலானாலும் சரி, குளிரானாலும் சரி உடலை முழுதாக போர்த்திய கவுன், க்ளவுஸ், குட்டி கட் ஷூக்கள் இந்த நாயகிகளின் ஸ்பெஷல்.. எந்த ஹேர் ஸ்டைலானாலும் ஒற்றை முடி நெற்றியில் ஆடும்… #ஆகா