ரஜினியின் கபாலி டீசரை இணைய தளத்தில் பார்த்தவர்களின் எண்ணிக்கை 2 கோடியை கடந்து விட்டது. இது உலக சாதனையாக கருதப்படுகிறது.
பா.ரஞ்சித் இயக்கத்தில் உருவாகி இருக்கும் இந்த படத்தில் ராதிகா ஆப்தே, தன்ஷிகா உள்பட பலர் நடித்திருக்கிறார்கள். ரஜினி இன்றைய தோற்றத்திலும் இளமையாகவும் நடித்துள்ள ‘கபாலி’ படம் உலகம் முழுவதும் ரசிகர்களிடையே பெரும் எதிர்பார்ப்பை ஏற்படுத்தி இருக்கிறது.
கபாலி படத்தை தமிழ் நாட்டில் மட்டும் 800 திரையரங்குகளில் ரிலீஸ் செய்ய திட்டமிட்டுள்ளனர். ஆந்திரா, தெலுங்கானா, கேரளா, கர்நாடகா உள்ளிட்ட தென் இந்தியாவில் மட்டும் 2 ஆயிரம் தியேட்டர்களில் ‘கபாலி’யை திரையிட ஏற்பாடுகள் நடந்து வருகின்றன.
இது தவிர வட இந்தியா மற்றும் உலகம் முழுவதும் 3 ஆயிரத்துக்கும் அதிகமான திரை அரங்குகளில் திரையிட இருப்பதாக தகவல்கள் வெளியாகி இருக்கின்றன.