பாலிவுட் கதாநாயகிகள் அவர்களது உடை விஷயங்களில் கூடுதல் அக்கறை எடுத்து கொள்வது வழக்கம். எந்தவெரு பட விழாக்கள், பேஷன் ஷோக்கள் போன்றவற்றில் ரசிகர்களை கவர விதவிதமான ஆடைகள் அணிந்து வருவார்கள்.
இதற்காக ஒவ்வொருவரும் பிரத்யேகமாக ஆடை வடிவமைப்பாளர்களை வைத்துக்கொள்வது உண்டு. சல்மான்கானின் ‘பிக்பாஸ் 10’ டெலிவிஷன் நிகழ்ச்சி மும்பையில் நடந்தது. இந்த நிகழ்ச்சிக்கு தீபிகா படுகோனேவை அழைத்து இருந்தனர்.
அப்போது அவர் ஹாலிவுட் நடிகைகள் அணியும் ‘பால்மெயின்’ ஆடையை உடுத்தி வந்து இருந்தார். கருப்பு நிறத்தில் அழகிய வேலைப்பாடுகளுடன் அது உருவாக்கப்பட்டு இருந்தது. பிரான்ஸ் நாட்டில் இந்த ஆடையை வடிவமைத்து இருந்தனர்.
இந்த ஆடையின் விலை ரூ.10 லட்சம் ஆகும். தீபிகா படுகோனே ஹாலிவுட் படமொன்றில் நடித்து வருகிறார் என்பது குறிப்பிடத்தக்கது.