சிறுத்தை சிவா இயக்கத்தில் அஜித் நடித்து வரும் புதிய படம் ‘விவேகம்’. இப்படத்தில் காஜல் அகர்வால், அக்ஷராஹாசன், விவேக் ஓபராய் உள்ளிட்ட நடிகர்கள் நடித்து வருகின்றனர்.
இந்தப் படத்தின் பர்ஸ்ட் லுக் போஸ்டர்கள் வெளியாகி ரசிகர்களிடையே பெரும் வரவேற்பை பெற்றுள்ளது.
இந்த நிலையில், படத்தின் டீசர் அஜித்தின் பிறந்தநாளான மே 1-ந் திகதி வெளியாகும் என எதிர்பார்க்கப்பட்டது.
ஆனால், அன்றைய திகதியில் டீசரை வெளியிடவில்லை.
இந்த நிலையில், வருகிற மே 18-ந் திகதி ‘விவேகம்’ டீசரை வெளியிடப்போவதாக சிவா அதிகாரப்பூர்வமாக நேற்று அறிவித்தார்.
அஜித் ரசிகர்களும் ‘விவேகம்’ டீசரை வரவேற்க ஆவலுடன் எதிர்பார்த்து காத்திருந்தனர்.
அவர்களுக்கு மேலும் உற்சாகம் அளிக்கும் விதமாக சொன்ன திகதிக்கு முன்னதாக ஒருவாரத்திற்கு முன்பே மே 11-ந் திகதியே இந்தப் படத்தின் டீசரை வெளியிடப்போவதாக சிறுத்தை சிவா மீண்டும் அறிவித்துள்ளார்.
எனவே, அஜித் ரசிகர்களுக்கு ஒருவாரத்திற்கு முன்பே கொண்டாட்டம் தொடங்கவிருக்கிறது.