ஜேம்ஸ் பாண்ட் கதாப்பாத்திரத்தில் நடித்து நன்கு அறியப்பட்ட நடிகர் சர் ரோஜர் மூர் தனது 89 வது வயதில் காலமாகிவிட்டதாக அவருடைய குடும்பத்தார் அறிவித்துள்ளனர்.
‘லிவ் ஆண்ட் லெட் டை’ மற்றும் ‘தி ஸ்பை ஹூ லவ்டு மீ’ உள்பட ஏழு ஜேம்ஸ் பாண்ட் திரைப்படங்களில் பிரபல ரகசிய உளவாளி கதாபத்திரத்தில் நடித்திருந்தார்.
சமூக வலைத்தளமான ட்விட்டர் மூலம் சர் ரோஜர் மூரின் குடும்பத்தார் இந்த செய்தியை உறுதிப்படுத்தியுள்ளனர்.
குறைந்த காலமே என்றாலும் புற்றுநோயை எதிர்த்து மூர் தைரியமாக போராடினார் என்று அவர்கள் தெரிவித்துள்ளனர்.
”நன்றி அப்பா நீங்கள் நீங்களாகவே இருந்ததிற்கும்இ மக்கள் பலருக்கு மிகவும் சிறப்பு வாய்ந்த மனிதராக இருந்ததிற்கும்” என்று ரோஜர் மூரின் குழந்தைகளிடம் வந்த அறிக்கை ஒன்று தெரிவிக்கிறது.
மேலும், ”கனத்த இதயத்துடன் எங்களுடைய தந்தை சர் ரோஜர் மூர் இன்று மரணமடைந்துவிட்டார் என்ற மோசமான செய்தியை நாம் பகிர வேண்டும். நாங்கள் அனைவரும் அவருடைய மரணத்தால் நிலைகுலைந்து போயுள்ளோம்” என்றும் அதில் தெரிவித்துள்ளனர்.