பிரபல இசையமைப்பாளர் மணி சர்மாவின் மகன் ஸ்வரா சாகருக்கும் பாடகி சஞ்சனாவிற்கும் திருமண நிச்சயதார்த்தம் நடைபெற்றது.
தமிழில் நரசிம்மா, ஷாஜகான், யூத், திருப்பாச்சி, மலைக்கோட்டை, படிக்காதவன், மாப்பிள்ளை உள்ளிட்ட பல படங்களுக்கு இசையமைத்தவர் மணி சர்மா. தெலுங்கில் முன்னணி இசையமைப்பாளரான இவருக்கு தமிழிலும் ரசிகர்கள் அதிகம்.
இந்த நிலையில் இவரது மகன் ஸ்வரா சாகர் மஹதிக்கும் பாடகர் சஞ்சனாவிற்கும் நேற்று (அக்டோபர் 12) நிச்சயதார்த்தம் நடைபெற்றது. அப்போது எடுக்கப்பட்ட புகைப்படங்கள் சமூக வலைதளங்களில் வைரலாகி வருகிறது. இதனையடுத்து இருவருக்கும் பிரபலங்கள் மற்றும் ரசிகர்கள் வாழ்த்து தெரிவித்து வருகின்றனர்.
இவர்களது திருமணம் வருகிற அக்டோபர் 24 ஆம் தேதி சென்னையில் நடைபெறவுள்ளது. ஸ்வரா சாகரும் தெலுங்கில் திரைப்படங்களுக்கு இசையமைத்து வருகிறார். பாடகி சஞ்சனாவும் தமிழ், தெலுங்கு கன்னடம் உள்ளிட்ட படங்களில் பாடல்களைப் பாடி வருகிறார்.