வினோத் இயக்கத்தில் நடிகர் அஜித்குமார் நடித்து வரும் புதிய திரைப்படத்தில் அவருக்கு இரட்டை வேடம் என தகவல் வெளியாகியுள்ளது.
‘நேர்கொண்ட பார்வை’, ‘வலிமை’ படங்களுக்கு பிறகு இயக்குநர் வினோத், நடிகர் அஜித், தயாரிப்பாளர் போனி கபூர் கூட்டணி இணைந்துள்ள படம் ‘ஏகே 61’. இந்தப் படத்தின் படப்பிடிப்பு ஹைதராபாத்தில் உள்ள ராமோஜி ஃபிலிம் சிட்டியில் கடந்த ஏப்ரல் -11 ஆம் தேதி பூஜையுடன் துவங்கியது.
வங்கிக் கொள்ளையை அடிப்படையாகக் கொண்டு இப்படம் உருவாகி வருவதாக தகவல் வெளியான நிலையில் தற்போது அந்தப் படத்தில் நடிகர் அஜித் ஹீரோ மற்றும் வில்லன் என இரட்டை வேடத்தில் நடிக்க உள்ளதாக தகவல் வெளியாகியுள்ளது.
மேலும், அஜித்தின் பிறந்தநாளான மே-1 ஆம் திகதி படத்தின் அப்டேட் வெளியாகும் என எதிர்பார்க்கப்படுகிறது.