தமிழகத்தின் சிவகாசியில் பிறந்தவர் நடிகை ஸ்ரீதேவி. தமிழில் குழந்தை நட்சத்திரமாக அறிமுகமாகி தொடர்ந்து பல வெற்றிப் படங்களில் நடித்தார். 1980களில் தென்னிந்திய திரையுலகில் முன்னணி நடிகையாக கொடிகட்டிப்பறந்த ஸ்ரீதேவி, பின்னர் பாலிவுட்டில் பிசியான நடிகையானார்.
திருமண வாழ்வில் அடியெடுத்து வைத்த அவர், சுமார் 15 ஆண்டு இடைவெளிக்குப்பிறகு 2012ல் இங்கிலிஷ் விங்கிலிஷ் மூலம் தமிழில் ரீஎன்ட்ரி ஆனார். இதனைத் தொடர்ந்து புலி படத்திலும் முக்கிய வேடத்தில் நடித்து தனக்கான ரசிகர் பட்டாளத்தை தக்க வைத்துக்கொண்டார்.
இந்நிலையில், இந்த ஆண்டின் கோடை விடுமுறையை குடும்பத்துடன் மகிழ்ச்சியாக செலவிடுவதற்காக ஜார்ஜியாவுக்கு சென்றுள்ளார் ஸ்ரீதேவி.
கணவர் போனி கபூர், மகள்கள் ஜானவி, குஷி ஆகியோருடன் பல்வேறு சுற்றுலாப் பகுதிகளை பார்வையிட்ட ஸ்ரீதேவி, அங்கு எடுத்த புகைப்படங்களை தனது சமூக வலைத்தள பக்கத்தில் பதிவு செய்து நண்பர்களுடன் பகிர்ந்துகொண்டுள்ளார். இந்த புகைப்படங்கள் ஏராளமான ரசிகர்களின் ஆதரவுடன் வைரலாகப் பரவி வருகிறது.