பல்வேறு மொழிகளில் ஒளிபரப்பாகும் பிக் பாஸ் நிகழ்ச்சிக்கு ரசிகர்களிடையே பரவலான வரவேற்பு உண்டு. தொலைத் தொடர்பு, இணையம், தொலைக்காட்சி என எந்தத் தகவல் தொடர்பு சாதனங்களும் இல்லாமல் 100 நாள்கள் இருப்பதுதான் இந்த நிகழ்ச்சியின் போட்டி விதி. சமூகவலைத்தளங்களில் பிக் பாஸ் குறித்த விவாதங்கள் அதிகமாக இடம்பெறுவதால் இதில் இடம்பெற்ற போட்டியாளர்கள் அதிகக் கவனம் பெற்று புகழை அடைந்துள்ளார்கள்.
தமிழ் பிக் பாஸ் சீசன் 4 நிகழ்ச்சி விரைவில் ஒளிபரப்பாகவுள்ளதாக விஜய் டிவி அதிகாரபூர்வமாக அறிவித்துள்ளது. கமல் நடித்த இந்நிகழ்ச்சி தொடர்பான விளம்பரமும் வெளியிடப்பட்டுள்ளது.
இந்நிலையில் தெலுங்கு பிக் பாஸ் சீசன் 4 நிகழ்ச்சி நேற்று முதல் ஸ்டார் மா தொலைக்காட்சியில் தொடங்கியுள்ளது. தொடர்ந்து 2-வது வருடமாக பிரபல நடிகர் நாகார்ஜூனா தொகுத்து வழங்குகிறார். திங்கள் முதல் வெள்ளி வரை இரவு 9.30 மணிக்கும் சனி, ஞாயிறு கிழமைகளில் இரவு 9 மணிக்கும் நிகழ்ச்சி தொடங்கும் என அறிவிக்கப்பட்டுள்ளது.
தெலுங்கு பிக் பாஸ் 4 போட்டியாளர்கள்:
மோனல் கஜ்ஜார் (நடிகை)
அபிஜீத் (நடிகர்)
சுஜாதா (தொலைக்காட்சித் தொகுப்பாளர்)
மெஹபூப் தில்சே (நடிகர்)
தேவி நாகவள்ளி (பத்திரிகையாளர்)
ஹரிகா (யூடியூப் பிரபலம்)
சையத் சோஹல் ரையன் (நடிகர்)
அரியானா குளோரி (தொலைக்காட்சித் தொகுப்பாளர்)
திவி (நடிகை)
அகில் சர்தக் (நடிகர்)
கங்காவா (யூடியூப் பிரபலம்)
சூர்யா கிரண் (இயக்குநர்)
லஸ்யா (தொலைக்காட்சித் தொகுப்பாளர்)
அம்மா ராஜசேகர் (இயக்குநர், நடன இயக்குநர்)
கராத்தே கல்யாணி (நடிகை)
நோயல் சீன் (நடிகர்)