நான் சினிமாவில் நடிப்பதை அக்கா கணவர் அஜீத் விரும்பவில்லை. ஆனாலும் என் விருப்பத்துக்கு குறுக்கே நிற்காமல் ஒத்துழைப்பு தருகிறார் என ஷாலியின் தங்கை ஷாம்லி கூறியுள்ளார்.
ஷாம்லி குழந்தை நட்சத்திரமாக தமிழ், தெலுங்கு, மலையாளத்தில் கலக்கியவர்.
இப்போது குமரியாகி மீண்டும் நடிக்க ஆரம்பித்துள்ளார். இப்போது நாயகி வேடங்களில் நடிக்கிறார். துரை செந்தில் குமார் இயக்கத்தில் தனுஷ் இரட்டை வேடங்களில் நடிக்கும் படத்தில் ஷாமிலி ஒரு தனுஷுக்கு ஜோடியாக நடிக்கிறார்.
அதே போல் விக்ரம் பிரபுவின் வீர சிவாஜி படத்திலும் நாயகியாக ஒப்பந்தமாகியுள்ளார்.
ஷாம்லி 2009-லேயே ஒரு தெலுங்கு படத்தில் சித்தார்த் ஜோடியாக நடித்தார். ஆனால் பெரிய வாய்ப்புகள் இல்லாமல் இருந்தார். மீண்டும் நடிக்க வந்தது குறித்து ஷாம்லி கூறுகையில், “உண்மையில் அஜித்துக்கு நான் நடிப்பதில் விருப்பமில்லை. எனினும் நான் நடிக்க வேண்டும் என்ற ஆசையை சொன்னவுடன் அதற்கு முழு ஒத்துழைப்புக் கொடுத்தார்.
நான் போட்டோ எடுக்க வேண்டும் என கூறியவுடன், அவரே முன்வந்து என்னை புகைப்படங்கள் எடுத்தார்,” என்றார்.