நடிகை நமீதா 2004-ல் ‘எங்கள் அண்ணா’ படத்தில் அறிமுகமாகி தொடர்ந்து முன்னணி கதாநாயகியாக வலம் வந்த நிலையில் சில வருடங்களுக்கு முன்பு அவரது உடல் எடை கணிசமாக கூடியது. இதனால் பட வாய்ப்புகள் குறைந்தன. இதையடுத்து தொலைக்காட்சி நடன நிகழ்ச்சியில் நடுவராக இருந்து வந்த நமீதா, கடந்த 2017-ம் ஆண்டு வீரேந்திராவ் என்பவரை காதல் திருமணம் செய்து கொண்டார்.
தற்போது நடிகை நமீதா கைவசம் ‘பவ் பவ்’ என்கிற திரைப்படம் மட்டுமே உள்ளது. இதுதவிர, வேறு பட வாய்ப்புகள் இல்லாததால், நடிகை நமீதா சீரியலில் நடிக்கத் தொடங்கி உள்ளார்.
புதுப்புது அர்த்தங்கள் என்கிற சீரியலில் நமீதா நடித்து வருகிறார். இத்தொடரில் அவர் முழுமையாக நடிக்க உள்ளாரா அல்லது கவுரவ வேடமா என்பது விரைவில் தெரிய வரும். நடிகை நமீதா திடீரென சீரியலில் நடிக்க வந்துள்ளதால் ரசிகர்கள் ஷாக் ஆகி உள்ளனர்.