இந்தியாவில் ஆண்டுதோறும் வெளியாகும் கூகுளின் டிரெண்ட் பட்டியலில் மறைந்த முன்னாள் ஜனாதிபதி அப்துல்கலாமைவிட பாகுபலி திரைப்படம் முன்னிலையில் உள்ளது. வழக்கமாக முன்னணி இடம் பிடிக்கும் ஐ.பி.எல் கிரிக்கெட் நிகழ்வும் இந்த ஆண்டு பின் தங்கியுள்ளது.
ஐ.பி.எல் போட்டியின் இடத்தை இந்த ஆண்டு உலகக் கோப்பை கிரிக்கெட் பிடித்துக் கொண்டுள்ளது. 2015-ம் ஆண்டு கூகுளில் அதிக அளவு டிரெண்ட்டிங்கில் இருந்த டாப்-10 நிகழ்வுகளின் பட்டியலை கூகுள் நிறுவனம் இன்று வெளியிட்டுள்ளது. இந்தப் பட்டியலில், ஐ.சி.சி உலகக் கோப்பை போட்டி முதலிடத்தையும், பாகுபலி, பஜ்ரங்கி பாய்ஜான், ப்ரேம் ரதன் தான் பியோ (மெய் மறந்தேன் பாராயோ) ஆகிய திரைப்படங்கள் அடுத்த 3 இடங்களையும் பிடித்துள்ளது. 5 வது இடத்தில் ஐ.பி.எல் உள்ளது.
மறைந்த மக்கள் ஜனாதிபதி டாக்டர் ஏ.பி.ஜே அப்துல் கலாம் 6 வது இடத்தைப் பிடித்துள்ளார். சிவில் சர்வீசஸ் தேர்வு, பிக் பாஸ் 9 தொலைக்காட்சி நிகழ்ச்சி, ஹாட் ஸ்டார் இணையதளம், ஸ்டார் ஸ்போர்ட்ஸ் தொலைக்காட்சி ஆகியவை முறையே அடுத்தடுத்த இடங்களைப் பிடித்துள்ளன.