பிரபல தெலுங்கு நடிகரும், தெலுங்கு தேச கட்சியின் எம்.எல்.ஏ.யுமான பாலகிருஷ்ணா ஆந்திர முதல்-மந்திரி சந்திரபாபு நாயுடுவின் மைத்துனர் ஆவார். ஐதராபாத்தில் நடைபெற்ற தெலுங்கு பட பாடல் வெளியீட்டு விழாவில் பெண்களை பற்றி அவதூறாக பேசியதாக, பாலகிருஷ்ணா மீது வக்கீல்கள் சிலர் அங்குள்ள சரூர் நகர் போலீஸ் நிலையத்தில் புகார் செய்து உள்ளனர்.
பாலகிருஷ்ணா மீது புகார் செய்யப்பட்டு இருப்பதாகவும், இதுகுறித்து சட்ட நிபுணர்களின் ஆலோசனையை கேட்டு இருப்பதாகவும் சரூர் நகர் போலீஸ் இன்ஸ்பெக்டர் லிங்கையா தெரிவித்தார்.
இதற்கிடையே, பெண்களை பற்றி அவதூறாக பேசிய விவகாரம் தொடர்பாக நடிகர் பாலகிருஷ்ணாவும் மற்றும் முதல்-மந்திரி சந்திரபாபு நாயுடுவும் மன்னிப்பு கேட்க வேண்டும் என்று ஒய்.எஸ்.ஆர். காங்கிரஸ் எம்.எல்.ஏ. நடிகை ரோஜா கேட்டுக்கொண்டு உள்ளார்.