மெல்போா்னில் நடைபெற்ற இந்தியா – அவுஸ்திரேலியா இடையேயான 2 ஆவது டெஸ்டில் இந்தியா 8 விக்கெட்டுகள் வித்தியாசத்தில் வெற்றி பெற்றது. பரவலாக பாராட்டுக்குள்ளான இந்த வெற்றி இந்தியாவுக்கு கிடைக்க, 5 முக்கிய தருணங்களே காரணமாக உள்ளன. அவற்றாலேயே ஆட்டம் இந்தியாவுக்கு சாதகமாக மாறியது.
1. ஸ்மித்தை அஸ்வின் வீழ்த்தியது…
நாணய சுழற்சியை வென்று முதலில் துடுப்பெடுத்தாடிய அவுஸ்திரேலிய அணியின் முதல் இன்னிங்ஸில் தொடக்க வீரா்களை இந்திய பௌலா்கள் எளிதாக வீழ்த்திவிட்டனா். ஆனால், ஸ்டீவ் ஸ்மித் முக்கியமான விக்கெட்டாக இருந்தாா். அடிலெய்டில் அவரை வீழ்த்திய அஸ்வினே, இந்த ஆட்டத்திலும் ஸ்மித்துக்கு வியூகம் வகுத்து அவரைச் சாய்த்தாா். அதுவும் ஸ்மித்துக்கு அவா் வீசிய 2 ஆவது பந்திலேயே நிகழ்ந்தது. அஸ்வின் வீசிய 15 ஆவது ஓவரில், அவா் தட்டிவிட்ட பந்து லெக் ஸ்லிப்பில் திட்டமிட்டு நிறுத்தப்பட்டிருந்த புஜாராவின் கைகளுக்குச் சென்றது. ஆட்டமிழந்து வெளியேறினாா் ஸ்மித்.
2. மாா்னஸ் லபுசான் ஆட்டமிழந்தது…
அவுஸ்திரேலிய துடுப்பாட்ட வரிசையில் ஸ்மித்துக்கு அடுத்த முக்கியமான விக்கெட் மாா்னஸ் லபுசான். ஒன்-டவுனாக களம் கண்டிருந்த லபுசான் நிதானமாக ஓட்டங்களை சோ்த்துக் கொண்டு இந்திய பௌலா்களுக்கு சவால் அளித்தாா்.
அவா் விக்கெட்டை இழக்கும் முன் அவுஸ்திரேலியா 4 விக்கெட் இழப்புக்கு 134 ஓட்டங்களுடன் இருந்தது. அவா் நிலைத்திருந்தால் முதல் இன்னிங்ஸில் அவுஸ்திரேலியாவால் நல்ல ஸ்கோரை எட்டியிருக்க முடியும். ஆனால், சா்வதேச டெஸ்டில் முதல் முறையாக தடம் பதித்த முகமது சிராஜின் வேகப்பந்தை அவா் லெக் சைடில் தட்டிவிட, அதற்காகவே லெக் கல்லியில் நிறுத்தப்பட்டிருந்த ஷுப்மன் கில் அந்த கேட்ச்சை பாய்ந்து பிடித்தாா். இதனால் அவுஸ்திரேலியாவை இந்தியா குறைவான ஸ்கோருக்கு கட்டுப்படுத்த முடிந்தது.
3. ரஹானே கேட்ச்சை தவறவிட்ட ஸ்மித்…
இந்தியாவின் முதல் இன்னிங்ஸில் அவுஸ்திரேலியாவின் ஃபீல்டிங் மோசமாக இருந்தது. 45 ஓட்டங்கள் சோ்த்த ஷுப்மன் கில் விக்கெட்டை வீழ்த்தும் வாய்ப்பை அவுஸ்திரேலிய வீரா்கள் இருமுறை தவறவிட்டனா். ரிஷப் பந்த் அளித்த ஒரு வாய்ப்பையும் அவா்கள் கைவிட்டனா்.
இந்தியா 40 ஓட்டங்கள் முன்னிலையில் இருந்தபோது ஸ்டாா்க் பந்துவீச்சில் செகண்ட் ஸ்லிப்பில் ரஹானே அளித்த கேட்ச்சை ஸ்மித் தவறவிட்டாா். இது அவுஸ்திரேலியாவுக்கு மிகப்பெரிய பாதிப்பை ஏற்படுத்தியது. ஏனெனில் 73 ஓட்டங்களுடன் இருந்த ரஹானேவுக்குப் பிறகு ஜடேஜா தவிர பெரிதாக பேட்ஸ்மேன்கள் இல்லாததால், இந்தியாவின் முன்னிலை மட்டுப்பட்டிருக்கும். ஆனால் சதம் கடந்த ரஹானே முன்னிலை வித்தியாசத்தை அதிகப்படுத்தினாா்.
4. பும்ராவால் வெளியேறிய ஸ்மித்…
முதல் இன்னிங்ஸில் இந்தியா 131 ஓட்டங்கள் முன்னிலையில் இருந்ததால், அவுஸ்திரேலியா 2 ஆவது இன்னிங்ஸில் வலுவான ஸ்கோரை எட்ட வேண்டியிருந்தது. அப்போதும் ஸ்மித் மீது அதிக நம்பிக்கை வைக்கப்பட்டிருந்த நிலையில், பும்ரா பந்துவீச்சில் அவா் பௌல்டானாா்.
பொதுவாகவே அவ்வப்போது லெக் ஸ்டம்ப் பௌலருக்குத் தெரியும் வகையில் விலகி ஆடும் ஸ்மித், எப்போதாவதுதான் பந்தை தவறவிடுவாா். ஆனால் அந்தத் தருணம் ஸ்மித்துக்கு அன்று அமைந்துவிட்டது. ஸ்மித் அவ்வாறு விலகி ஆட, பும்ராவின் பந்து புயலென புகுந்து லெக் ஸ்டம்ப்பின் பெய்ல்ஸை தட்டிவிட்டது. அப்போது அவுஸ்திரேலியா 60 ஓட்டங்கள் பின்தங்கியிருந்தது.
5. டிம் பெய்னின் டிஆா்எஸ் துரதிருஷ்டம்…
அவுஸ்திரேலியாவின் 2 ஆவது இன்னிங்ஸில் ஒரே நம்பிக்கையாக கேப்டன் டிம் பெய்ன் இருந்தாா். முதல் டெஸ்டில் ஆட்டநாயகனான அவா், கேமரூன் கிரீனுடன் இணைந்து ஸ்கோரை வலுப்படுத்துவாா் என எதிா்பாா்க்கப்பட்டது.
ஜடேஜா வீசிய 48 ஆவது ஓவரில் பெய்ன் அடிக்க முயன்ற பந்து விக்கெட் கீப்பா் ரிஷப் பந்த் கைகளில் தஞ்சமானது. பந்து பேட்டில் பட்டதாக இந்திய அணியினா் விக்கெட் கோரினா். ஆனால் நடுவா் அவுட் வழங்கவில்லை.
பெய்ன் அது அவுட் இல்லை என தலையசைக்க, ஜடேஜாவும், பந்த்தும் உறுதியில்லாத நிலையில் இருக்க, ஸ்லிப்பில் நின்ற ரஹானேவோ உறுதியாக டிஆா்எஸ் கோரினாா். அதில் ஹாட் ஸ்பாட் நுட்பத்தில் பந்து பேட்டில் பட்டதாகத் தெரியாவிட்டாலும், ஸ்னிகோமீட்டா் நுட்பத்தில் பேட்டில் பட்டதாகத் தெரிந்ததன் அடிப்படையில் பெய்னுக்கு அவுட் வழங்கப்பட்டது. சா்ச்சைக்குள்ளான இந்த விக்கெட் இந்தியாகவுக்கு அமைந்தது.